سرخ کیلوں کی انوکھی قسم

 

سرخ کیلوں کی انوکھی قسم

ہمارے ہاں جو کیلے دستیاب ہیں ان کی رنگت ہلکی پیلی اور سبزی مائل ہوتی ہے مگر کچھ علاقوں میں سرخ رنگ کے کیلے بھی پائے جاتے ہیں، ان سرخ رنگ کے کیلوں کی خاصیت یہ ہے کہ یہ ہمارے پائے جانے والے پیلے سبزی مائل کیلوں کی نسبت انتہائی نرم اور ذائقے میں بھی بہت میٹھے ہوتے ہیں۔ اس کے علاوہ یہ کیلے سائز میں بھی کافی بڑے ہوتے ہیں ان کیلوں کی کاشت، برازیل، گوٹے، مالا اور بھارت کی ریاست تامل ناڈو میں بہت ذیادہ کی جاتی ہے۔ اور پھر انہیں مشرقی افریقہ، ایشیاء، جنوبی امریکہ اور وسطی امریکہ میں فروخت کے لئے پیش کیا جاتا ہے ان علاقوں میں لوگ ان کیلوں کو انتہائی شوق کے ساتھ کھاتے ہیں۔ کہا جاتا ہے کہ وسطی امریکہ کے ممالک میں تو ان کے ذائقے کو بہت ذیادہ پسند کرتے ہیں۔ ان کیلوں میں ایک تحقیق کے مطابق وٹامن سی کی مقدار بھی ذیادہ پائی جاتی ہے جو کئی بیماریوں کے خلاف قوت مدافعت پیداکرتی ہے۔