ریٹائرڈ کرنل کی بھانجے پر پولیس چوکی کے اندرفائرنگ
راولپنڈی کے علاقے تھانہ روات میں واقع بحریہ ٹاؤن کے فیزسات میں ریٹائرڈ کرنل نے اپنے بھانجے پر فائرنگ کرکے اس کو زخمی کردیا، تھانہ روات کی پولیس جب زخمی نوجوان کو پولیس چوکی لے کرآئی تو مذکورہ ریٹائرڈ کرنل نے پولیس کی موجودگی میں پولیس چوکی کے اندر اپنے زخمی بھانجے پر دوبارہ گولیاں چلائیں، پولیس نے ریٹائرڈ کرنل کو گرفتارکرلیا ہے۔ پولیس حکام نے چوکی انچارج سب انسپکٹر عادل عباس کو پیشہ وارانہ امور میں غفلت برتنے پر معطل کردیا ہے۔ پولیس حکام کا کہنا ہے کہ واقعہ میں زخمی ہونے والے نوجوان سمیع قمر کو ہسپتال منتقل کردیا گیا ہے۔ ملزم محمد اظہر سہیل جوکہ ریٹائرڈ کرنل ہے وہ پولیس کی موجودگی میں پولیس چوکی آیا اور زخمی نوجوان پر دوبارہ سے فائرنگ کرنا شروع کردی۔ جس پر مذکورہ ملزم محمد اظہر سہیل کو گرفتار کرکے اسلحہ برآمد کرلیا گیا ہے۔ پولیس کا مزید کہنا ہے کہ پولیس چوکی پر سیکورٹی لیپس کی وجہ سے انچارج چوکی سب انسپکٹر عادل عباس کو معطل کرکے محکمانہ انکوائری شروع کردی ہے جبکہ ملزم محمد اظہر سہیل کے خلاف الگ الگ دو مقدمات درج کئے جارہے ہیں۔
No comments:
Post a Comment
Thank you for contacting us, we will response ASAP