انٹرنیٹ کی مدد سے پیسے چرانے والا انٹرنیشل آئی ٹی ماہر

 

انٹرنیٹ کی مدد سے پیسے چرانے والا ITماہر گرفتار

بینک اکاؤنٹس، کریڈٹ کارڈ، ڈیبٹ کارڈ اور ویزا کارڈز کو ہیک کرتا تھا

ملزم 40فیصد تک کمیشن دے کر60فیصد کی آن لائن خریداری کرلیتا تھا

کراچی میں رینجرز ٹیکنیکل ٹیم اور ایف آئی اے سائبر کرائم ونگ نے شہر قائد میں کاروائی کرکے انٹرنیٹ کی مدد سے پیسے چرانے والے انفارمیشن ٹیکنالوجی کے ماہر کو گرفتار کرلیا۔ تفصیلات کے مطابق کراچی کے علاقے اورنگی ٹاؤن سے انٹرنیٹ کے ذریعے فراڈ کرنے والا انتہائی مطلوب ملزم محمدآصف گرفتار ہوگیا۔ ترجمان سندھ رینجرز کا کہنا ہے کہ ملزم بینک اکاؤنٹس، کریڈٹ کارڈز، ڈیبٹ کارڈز اور ویزا کارڈز کو ہیک کرتا تھا۔ ملزم محمدآصف کے زیراستعمال کمپیوٹر بھی برآمد کرلیا گیا ہے۔ ترجمان نے بتایا کہ دوران تفتیش ملزم نے انکشاف کیا ہے کہ وہ انفارمیشن ٹیکنالوجی کا ماہر ہے۔ ملزم مختلف ملکوں کے بینک اکاؤنٹ اور کریڈٹ کارڈ ہیک کرنے کی مہارت رکھتا ہے، ملزم ویب سائٹ سے کارڈ خریدتا تھا اور آن لائن سامان کی خریداری کرتا تھا، ملزم 40فیصد تک کمیشن دے کر 60فیصد کی آن لائن خریداری کرلیتا تھا۔ ملزم نے 2018؁ء سے مختلف کال سنٹرز سے ڈیٹا خریدنا شروع کردیا تھا۔ ملزم 2ہزار روپوں سے لے کر5ہزار روپوں تک میں مطلوبہ بینک اکاؤنٹس کا ڈیٹا تھا۔ اپنے کال سنٹر سے کسٹمرز کو کال کرکے بتاتا تھا کہ آپ کا اکاؤنٹ ہیک ہوگیا ہے۔ رینجرز کے مطابق معلومات سے کسٹمر کو گمراہ کرکے ان سے ایک او ٹی پی جنریٹ کرواتا تھا، اس طرح ملزم کسٹمرز سے او ٹی پی کوڈ لینے کے بعد پیسے نکال لیتا تھا۔ ملزم نے 2012؁ء سے اس کام میں سرگرم ہے۔ اس حوالے سے ترجمان نے مزید کہا کہ ملزم عوام کو لاکھوں روپوں کا نقصان پہنچا چکا ہے۔ ملزم 2014؁ء سے 2016؁ء تک متعدد بار ملائیشیا بھی جاتا رہا ہے۔ گرفتار ملزم محمد آصف کو مزید کاروائی کے لئے پولیس کے حوالے کردیا گیا ہے۔