جو حالات پیدا کردیئے گئے ہیں ان پر بہت دکھ ہے, جہانگیر خان ترین

 

جو حالات پیدا کردیئے گئے ہیں ان پر بہت دکھ ہے

پاکستان تحریک انصاف کے راہنما جہانگیر ترین نے کہا ہے کہ جو حالات پیدا کردیئے گئے ہیں ان پر بہت دکھ ہے، میں نے نیک نیتی سے پی ٹی آئی کی خدمت کی ہے، لودھراں میں کارکنوں سے خطاب کرتے ہوئے جہانگیر ترین نے کہا کہ عدالتی پیشیوں پر اظہار یکجہتی کرنے والے کارکنوں کا شکریہ ادا کرتا ہوں۔ کارکنوں نے میرا حوصلہ بڑھایا ہے جس پر میں ان کا بے حد مشکور ہوں۔ مجھ پر بڑی آزمائش تھی۔ جوحلقے سے دوری کا باعث بنی۔ میں نے دس سال تک ان تھک جدوجہد کی۔ اس موقع پر زوار وڑائچ نے کہا کہ ایم پی اے شپ اور وزارت جہانگیر ترین کی وجہ سے ملی ہے۔ جہانگیر ترین حکم کریں آج ہی استعفی دے دوں گا۔ ایم پی اے نزیر بلوچ نے کہا کہ آج بھی جہانگیر ترین کے ساتھ ہیں اور کل بھی ہونگے۔