افغان آرمی کے 46بہادر فوجیوں نے پاکستان میں پناہ لے لی
پاکستان پہنچنے والے افغان فوجیوں کو خوراک، شیلٹر اور طبی امداد فراہم کی گئی۔ ISPR
پاکستان نے افغان نیشنل آرمی کے پانچ افسروں سمیت چھیالیس فوجیوں کو پناہ دے دی، پاکستان پہنچنے والے افغان فوجیوں کو خوراک، شیلٹر اور طبی امداد فراہم کی گئی۔ پاک فوج کے شعبہ تعلقات عامہ آئی ایس پی آر کے مطابق چترال اروندہ سیکٹر کے پاس تعینات افغان آرمی کے کمانڈر نے پناہ لینے کے لئے پاک فوج سے رابطہ کیا۔ یہ افغان سپاہی پاک افغان بین الاقوامی سرحد پر واقع اپنی چوکی پر مزیدقبضہ جاری رکھنے کے قابل نہیں رہے تھے۔ لہذا ان پانچ افسران سمیت چھیالیس افغان سپاہیوں کو پاکستان میں پناہ اور محفوظ راستہ دیا گیا۔ جس کے بعد چھیالیس فوجی چترال ارندو سیکٹر پہنچے۔ آئی ایس پی آر کے مطابق پاکستان پہنچنے والے افغان فوجیوں کو خوراک، شیلٹر اور طبی امداد فراہم کی گئی ہے۔ پاکستان آرمی نے معلومات اور ضروری کاروائی کے لئے افغان آرمی سے رابطہ کیا ہے۔ افغان فوجیوں کو قانونی عمل سے گزار کر افغان احکام کے حوالے کردیا جائے گا
No comments:
Post a Comment
Thank you for contacting us, we will response ASAP