ہری پور پولیس کا جوئے کے اڈے پر چھاپہ داؤ پر لگی رقم وموبائل برآمد
محلہ درویش ڈھینڈہ روڈ پر قائم اڈے کے مالک خلیل الرحمن سمیت9 جواری گرفتار،مقدمہ درج کرکے ملزمان کو پابند سلاسل کردیا گیا
ایس ایچ او صدیق شاہ نے جوئے پر لگی رقم 79285روپے نقدی، 9عدد موبائل فون،اور 600گرام چرس برآمد کرلی
تھانہ سٹی ہری پور کی دبنگ کاروائی ،تھانہ سٹی ہری پور کی حدود محلہ درویش ڈھینڈہ روڈ پر جوئے کے اڈے پر چھاپہ، جوئے کے اڈے کے مالک خلیل الرحمن عرف رحمان سمیت 9 جواری رنگے ہاتھوں گرفتارکرکے ہزاروں روپے کی نقدی آلات کماربازی، موبائل فون اور منشیات برآمد کرلیں، اور مذکورہ ملزمان کے خلاف مختلف دفعات کے تحت مقدمات درج کرلئے گئے ہیں، گزشتہ روز ایس ایچ او تھانہ سٹی صدیق شاہ نے بمعہ نفری مخبر کی اطلاع پر محلہ درویش ڈھینڈہ روڈ پر جوئے کے اڈے پر چھاپہ مارکر اڈے کے مالک خلیل الرحمان عرف رحمان سمیت 9 جواری گرفتار کرلئیے، اور خلیل الرحمن سے 600گرام چرس بھی برآمد کرلی گئی، گرفتار ہونے والے ملزمان میں رحمان، ناصر خورشید ولدخورشید سکنہ محلہ ملکاں درویش، محمد فردوس ولد اللہ داد سیکٹر نمبر3 کھلابٹ ٹاؤن شپ، عمران ولد اشرف خانپور روڈ، بابرولدصابردین داڑی چوک کھلابٹ، امجدولد عجب خان سکنہ کمال موہڑہ درویش، اظہر محمود ولد اسلم مزار کالونی حسن ابدال، شہباز خان ولد محمد اسلم محلہ موتیاں شامل ہیں، جواریوں کے قبضے سے داؤ پر لگی رقم مبلغ 75500 روپے ایک عدد تاش جوڑی، جبکہ تلاشی کے دوران اڈے کے مالک رحمان سے 600 گرام چرس اور دیگر تلاشی کے دوران کل مزید رقم 9285 روپوں کے علاوہ 9 عدد موبائل فون برآمد کر لئیے گئے، ملزمان کے خلاف 5جی او اور 9سی کے تحت مقدمات درج کر لئے گئے اور ملزمان کو پابند سلاسل کردیا گیا اور آج ان کو عدالت میں پیش کیا جائے گا
No comments:
Post a Comment
Thank you for contacting us, we will response ASAP