مکہ مکرمہ سعودی شہری نے گاڑی مسجد الحرام کے دروازے سے ٹکرا دی

 

 

مکہ مکرمہ سعودی شہری نے گاڑی مسجد الحرام کے دروازے سے ٹکرا دی

مکہ المکرمہ میں سعودی شہری نے تیز رفتار گاڑی مسجد الحرام کے بیرونی دروازے سے ٹکرادی، سعودی میڈیا کے مطابق واقعہ جمعہ کی رات کو پیش آیاجس کی ویڈیوسوشل میڈیا پر گردش کررہی ہے تاہم واقعے میں کوئی جانی نقصان نہیں ہوا، سوشل میڈیا پر جاری ویڈیومیں دیکھا جاسکتا ہے کہ تیزرفتار گاڑی پلاسٹک کی رکاوٹوں کو توڑتی مسجد کے صحن سے گزرتی ہوئی بیرونی دروازے سے جاٹکرائی، تیزرفتار گاڑی چلانے والا ڈرائیورسعودی شہری بتایا جارہا ہے جسے گرفتار کرلیا گیا ہے، ترجمان گورنر مکہ ریجن کا کہنا ہے کہ ڈرائیور کا ذہنی توازن درست نہیں تھاجبکہ ڈرائیور کو تفتیش کے لئے پبلک پراسیکویشن کے حوالے کردیا گیا ہے، واقعے کے بعد سیکورٹی حکام کی جانب سے گاڑی کو جائے حادثہ سے ہٹا دیا گیا ہے، سوشل میڈیا پر جاری ویڈیو میں دیکھا جاسکتا ہے کہ تیز رفتار گاڑی پلاسٹک کی رکاوٹوں کو توڑتی مسجد کے صحن سے گزرتی ہوئی بیرونی دروازے سے جاٹکرائی،مذکورہ گاڑی کو سعودی شہری چلا رہا تھا جس کو موقع پر موجود سیکورٹی اہلکاروں نے گرفتار کرلیا تھا۔