سرکاری زمینوں میں قبضے کے مجرم عدم ثبوت کی بنا پر بری

سرکاری زمینوں میں قبضے کے مجرم عدم ثبوت کی بنا پر بری

سرکاری زمینوں میں قبضے کے مجرم عدم ثبوت کی بنا پر بری

سندھ میں گزشتہ سات سال عرصے میں زمینوں پر قبضے کے ایک سو چھیانوے میں سے ایک سو پچاس کیسز کے ملزمان عدم شواہد کی بنا پر مقدمے سے بری یا رہا کئیے گئے ہیں سندھ اسمبلی میں اراکین اسمبلی کے سوالات کے زبانی اور تحریری جوابات دیتے ہوئے صوبائی وزیر برائے ریونیو اینڈ ریلیف مخدوم محبوب زمان نے کہا کہ سرکاری زمینوں پر قبضے میں مختلف گروہ اور شخصیات ملوث ہیں رپورٹ کے مطابق اپوزییشن اراکین کے باربار مطالبے پر بھی انہوں نے کسی قبضہ گروپ یا شخصیت کا نام نہیں لیا تفصیلات فراہم کرتے ہوئے انہوں نے بتایا کہ گزشتہ سات سال کے عرصے میں زمینوں پر قبضہ کرنے والوں خلاف ایک سو چھیانوے مقدمات درج کئیے گئے انہوں نے مزید بتایا کہ ستتر کیسز میں ملزمان خصوصی ٹرائل کورٹ نے بری کر دئیے جبکہ پنتالیس کیسسز کو ٹرائل کورٹ نے ملزمان کے نام اور کوائف کی مکمل تفصیلات نہ ہونے پر اے کلاس دیا گیا۔

صوبائی وزیر نے یہ بھی بتایا کہ ٹرائل کورٹ نے زمینوں پر قبضہ کرنے والوں کے خلاف ستائیس کیسز کو عدم ثبوت کی بنا پر سی کلاس قرار دے دیا جبکہ ایک کیس کو شکائیت گزار کی جانب سے جھوٹے الزام پر بی کلاس کیا گیا ان کا مزید کہنا تھا کہ تیس مقدمات کسی حتمی نتیجے پر پہنچے  کے لئیے اب بھی ٹرائل کورٹ میں زیرسماعت ہیں