ریحام خان کی کتاب سے اقتباس کپتان اور نشہ

ریحام خان کی کتاب سے اقتباس کپتان اور نشہ 

ریحام خان کی کتاب سے اقتباس کپتان اور نشہ 
ریحام خان نے جہاں عمران خان کی جنسی ذندگی کو موضوع بحث بنایا ہے وہیں کپتان پر منشیات کے بکثرت استعمال کا الزام عائد کیا ہے ریحام خان نے اپنی کتاب میں عمران خان کی نشے کی عادت کو ان کی مردانہ کمزوری کی وجہ بھی قراردیا ہے ، ریحام خان نے لکھا ہے کہ ’’ جب بھی مجھے گھر میں نشے کے شواہد ملتے تومیں ناراضی کا اظہار کرتی اور عمران خان کی صحت کے حوالے سے فکرمندی دکھاتی تو وہ آگے سے کہتا ، بے بی! تم منشیات کے بارے میں جانتی ہی کتنا ہو؟تم نے کبھی نشہ نہیں کیا، کوک کی ایک بوتل بھی ایسے ہی ہے جیسے بندہ آدھا گلاس شراب پی لے، جب بھی ایسی صورتحال پیدا ہوتی ہر بار یہی فقرہ ناچتی آنکھوں کے ساتھ دہرایا جاتا، بلکہ عمران خان میرے ردعمل کا لطف اٹھاتا تھا
ریحام خان نے مزید لکھا ہے کہ جب بھی عمران خان نشہ کرتے تو وہ بیٹھ جاتیں اور انہیں منشیات کے سائیڈ ایفکیٹس کے حوالے سے آرٹیکلزدکھاتیں اور اسے سمجھاتیں کہ ان کی مردانہ کمزوری کے پیچھے منشیات کا استعمال ہے میری اس بات سے عمران خان خوفزدہ ہوجاتا اور پورا دن خوفزدہ رہتا، میں نے اس کی یہ عادت چھڑانے کی بھرپور کوشش کی لیکن اس نے اپنا ہاتھ اس کام سے نہیں روکا. 
ریحام خان نے مزید لکھا ہے کہ اپنے سیاسی کئیر میں باربار ناکامیوں نے عمران خان کا حوصلہ توڑدیا تھا جوں جوں وقت گزرتا گیا میں نے دیکھا کہ منشیات کے استعمال میں شدت آتی جارہی ہے اس موقع پر میں کچھ نہیں کرسکتی تھی لیکن اگر کرسکتی تھی تو وہ یہ کہ اسے منشیات کے خطرے سے آگاہ کروں ہوسکتا ہے کہ شاید وہ کچھ ہوش مندی کا مظاہرہ کرے لیکن اس کے باوجود اس کے نشے کی مقدار میں اضافہ ہی ہوتا چلاگیا