شہری کو گھر سے بلا کرگولی مارکرقتل کردیا گیا، ملزمان فرار

 

شہری کو گھر سے بلا کرگولی مارکرقتل کردیا گیا، ملزمان فرار

شیراز نامی شخص اپنے گھر میں موجود تھاکہ نامعلوم ملزمان نے باہربلاکرآتشیں اسلحہ سے فائرنگ کردی جس سے وہ موقع پر ہی جاں بحق ہوگیا۔

مقتول کے لواحقین نے قطرمیں مقیم بہنوئی پر دعویداری کردی، پولیس نے مقدمہ درج کرکے تفتیش شروع کردی، نعش پوسٹمارٹم کے بعد ورثائ کے حوالے

ہری پور میں ڈمپرڈرائیور کو نامعلوم افراد نے مبینہ طور پر گھرسے باہربلاکرگولی مارکرقتل کردیا، ملزمان فرار ہونے میں کامیاب ہوگئے، پولیس نے لواحقین کی رپورٹ پر قطر میں مقیم بہنوئی کے خلاف مقدمہ درج کرلیا۔ تفصیلات کے مطابق اسلم کالونی میں شیراز ولد ریاض نامی شخص گزشتہ روزنمازعشائ کے وقت اپنے گھر میں موجود تھا کہ کسی نے اسے گھر سے باہربلایا اور مبینہ طورپرآتشیں اسلحہ سے فائرنگ کردی۔ جس سے اس کی موت واقع ہوگئی، جبکہ نامعلوم ملزمان ، ملزم باآسانی فرار ہوگئے لواحقین نے بعدازاں پولیس کے ساتھ مل کراس کی نعش کا پوسٹمارٹم کروانے کے لئے ٹراما سنٹر ہری پور میں منتقل کردیا۔ جہاں پرمذکورہ مقتول کی نعش کو پوسٹمارٹم کے بعد ورثائ کے حوالے کردیا گیا۔ ایس ایچ او تھانہ سٹی کے مطابق لواحقین نے قطر میں مقیم بہنوئی پر قتل کی دعویداری کردی۔ اور اس کی وجہ عداوت خانگی کا تنازعہ بتایا جاتا ہے۔ پولیس نے مقدمہ درج کرکے تفتیش شروع کردی۔