ہری پور میں گندگی اور غلاظت سے بھری ٹریکٹر ٹرالیاں تعفن پھیلانے لگیں

 

گندگی اور غلاظت سے بھری ٹریکٹر ٹرالیاں تعفن پھیلانے لگیں

ہری پور میں واقع قلعہ ہری کشن گڑھ کی کھائی میں ڈالی گئی گندگی کو دوبارہ نکال کر سکندرپور اور دیگر جگہوں پر شفٹ کرنے والے ٹریکٹر ٹرالی ڈرائیوروں نے تمام راستے گندگی اور کوڑاکرکٹ کے ساتھ ساتھ مٹی پھیلانا شروع کررکھا ہے جس کی وجہ سے پورا علاقہ گندگی کا ڈھیربن گیا ہے کوئی پوچھنے والا نہیں ہے، سڑک پر جابجا غلاظت گری پڑی ہے اہل علاقہ نے ٹی ایم اور اور نوتعینات ڈی سی سے نوٹس لینے کا مطالبی کیا ہے پچھلے کئی دنوں سے ٹریکٹر ٹرالیوں کے ذریعے قلعہ کی کھائی میں ڈالی گئی گندگی جو بھل صفائی کے دوران نالوں سے نکال کر یہاں ڈالی گئی اب دوبارہ ٹھیکیدار گندگی غلاظت وہاں سے نکال کر سکندرپوراور دیگر جگہوں پر منتقل کیا جارہا ہے اور جہاں جہاں سے ٹرالی گزرتی ہے، اوولوڈ ہونے کی وجہ سے گندگی، غلاظت، کوڑا کرکٹ تمام راستے میں گرتا ہے جس سے پورا علاقہ گندگی کے ڈھیروں کا منظر پیش کررہا ہے۔ عوام نے نوتعینات ڈی سی ہری پور اور ٹی ایم او ہری پورسے نوٹس لیتے ہوئے سخت سے سخت کاروائی کا مطالبہ کیا ہے۔ اوراس بات کی انکوائری کی جائے کہ پہلے کھائی میں گندگی کس کے کہنے پر ڈالی گئی اور اب کس کے حکم سے نکال کرمنتقل کی جارہی ہے۔