ہری پور کا چور ،حویلیاں کے رہائشیوں کے ہتھے چڑھ گیا

ہری پور کا چور ،حویلیاں کے رہائشیوں کے ہتھے چڑھ گیا
پولیس نے ملزم کو گرفتارکرکے تھانے منتقل کردیا، مقدمہ درج

ہری پور کا چور ،حویلیاں کے رہائشیوں کے ہتھے چڑھ گیا
پولیس نے ملزم کو گرفتارکرکے تھانے منتقل کردیا، مقدمہ درج
حویلیاں اور گردونواح میں چوری کی وارداتوں میں ملوث چور لوگوں کے ہتھے چڑھ گیا، ہری پور کا رہائشی حویلیاں گاؤں میں چوری کی غرض سے گیا ہواتھا میڈیا کے نمائندوں نے کوریج کی کوشش کی تو چور نے تصویر تک نہ نکالنے دی،آپ کل آجائیں تفتیش کے بعد مکمل معلومات دیں گے حویلیاں ایس ایچ او نے ہری جھنڈی دکھادی، تفصیلات کے مطابق گزشتہ روز حویلیاں گاؤں سے ایک نوجوان جس کا تعلق ہری پور کے علاقہ سے بتایا جاتا ہے وہ چوری کے لیئے کسی مقام پر گیا ہواتھا کہ اہلیان علاقہ نے اپنی مددآپ کے تحت اسے رنگے ہاتھوں پکڑلیا، اور تھانہ حویلیاں کے حوالے کردیا . اہلیان علاقہ کے مطابق گزشتہ چھ ماہ کے اندر اندر حویلیاں گاؤں کے مختلف مقامات پر گاڑیوں سے بیٹریاں، مسجدوں اور دوکانوں سے جنریٹر ، بکریاں چوری کی مختلف وارداتیں ہوئیں ہیں جن کی باقاعدہ طور پر تھانہ حویلیاں میں اطلاعات دی گئی ہیں لیکن حویلیاں پولیس کی جانب سے کوئی کاروائی نہ ہوسکی، گزشتہ روز جب گاؤں کے لوگوں نے چور کو رنگے ہاتھوں پکڑاگیا جس کی اطلاع جب مقامی میڈیا ٹیم کو ملی تو فورا مقامی نمائندے حویلیاں تھانے میں پہنچے تاہم پولیس بھی ملزم کی تصاویر بنانے میں کامیاب نہ ہوسکی