جناح جامع سکول ہری پور والدین کا نئے طریقے سے لوٹنے لگاملک وجاہت محبوب اعوان

جناح جامع سکول ہری پور والدین کا نئے طریقے سے لوٹنے لگاملک وجاہت محبوباعوان

جناح جامع سکول نے ٹیوشن فیس نصف کرکے دیگر فیسیں دگنا وصول کرنا شروع کردیں

ہری پور میں واقع جناح جامع سکول وکالج نے صوبائی حکومت اور ہائی کورٹ کے فیصلے کی دھجیاں اڑانا شروع کردیں طالب علموں کے والدین کی جیبوں پر ڈاکہ ڈالنے کے لیئے مختلف طریقے ایجاد کرلیئے تفصیلات کے مطابق صوبائی حکومت خیرپختونخواہ نے ہائی کورٹ کے فیصلے کی روشنی میں تمام پرائیویٹ تعلیمی اداروں کو پابند کیا ہے کہ وہ گرمی کی چھٹیوں کی فیس نہ لیں تاہم تنخواہوں اور دیگر اخراجات کی مد میں وہ نصف ٹیویشن فیس وصول کریں مگر جناح جامع سکول وکالج نے اپنی سالانہ فنڈز کے نام پر ڈبل فیس لگا دی ہے یوں بچوں کی اصل فیس سے بھی ذیادہ رقم وصول کرنے کا نیا طریقہ ڈھونڈا نکالا گیا ہے جبکہ اس طرح کے فنڈز وغیرہ داخلے کے وقت لیئے جاتے ہیں جو کہ اب دو دوماہ کے بعد لیئے جارہے ہیں ان خیالات کا اظہار تنظیم الاعوان کے سرگرم رہنما ملک وجاہت محبوب اعوان نے اپنے ایک بیان میں کیا ہے ان کا مزید یہ کہنا تھا کہ عدالتی فیصلے کے مطابق دو حقیقی بہن بھائیوں میں سے ایک کی فیس نصف ہوگی مگر جناح جامع سکول جو کہ تعلیمی ادارہ کم اور خریدوفروخت کا مرکز ذیادہ بنا ہوا ہے اس سلسلے میں والدین کو کوئی تاحال ریلیف نہیں دیا جارہا ہے معصوم طلباء سے کبھی نوٹس، کبھی کاپی کبھی یونیفارم کبھی غیرضروری کتب و دیگر کے لیئے پیسے بٹورے جارہے ہیں جماعت ہشتم کے طلباء کو جاری کردہ نئی فیس سلپ میں ٹیویشن فیس کو چار ہزار سے نصف کیا گیا ہے مگر اس کے ساتھ ہی چار ہزار روپے کے فنڈز کا اضافہ کیا گیا ہے اسی طرح فرسٹ ائیر کی فیس پچپن سو سے ستائیس سوپچاس کی گئی ہے مگر پچپن سوکی ایک اضافی فنڈ کی سلپ بھی ساتھ میں بھیج دی گئی ہے ایسے والدین جن کے دو یا چار بچے اس طرح کے ادارہ میں زیرتعلیم ہوں تووہ یہ ظالمانہ فیس اور بھتہ کیسے ادا کرسکتے ہیں ہماری صوبائی حکومت، صوبائی عدالت عالیہ ، ریگولیٹر اتھارٹی سے گزارش ہے کہ جناح جامع ہری پور کے سکول مالکان انتظامیہ کے خلاف سخت ترین کاروائی عمل میں لائی جائے اور ان کو قانون کا پابند بنایا جائے اور بچوں کو بہتر تعلیمی ماحول فراہم کیا جائے